Forcat e armatosura të Ukrainës kanë deklaruar se anija ruse Caesar Kunikov është fundosur në brigjet e Krimesë së pushtuar nga Rusia.
Një shpërthim i fuqishëm është dëgjuar të mërkurën në mëngjes dhe anija ishte goditur jo fort larg brigjeve të qytetit të Jaltës.
Ukraina vazhdimisht ka sulmuar flotën ruse në Detin e Zi. Pamjet satelitore tregojnë se asnjë anije nuk është në brigjet e Krimesë.
Forcat ukrainase kanë publikuar pamjet e dronit të detit të njohur si Magura V5 duke goditur anijen ruse.
Anija Caesar Kunikov ishte e periudhës sovjetike. Nëse konfirmohet fundosja e saj, do të ishte goditja e dytë e suksesshme ndaj flotës ruse në muajin shkurt. Luftanija e vogël Ivanovets, është sulmuar me dronë në një operacion special të forcave të Ukrainës para dy javësh.
