Turqia ka vendosur kufizime tregtare kundër Izraelit, njoftoi sot Ministria e Tregtisë. Kufizimet prekin mallra si çimentoja, çeliku dhe produktet e hekurit.
Masa vjen si përgjigje ndaj refuzimit të Izraelit për të lejuar Ankaranë të dërgojë ndihma nga ajri. Prandaj, kufizimet duhet të qëndrojnë në fuqi derisa “Izraeli të pranojë një armëpushim dhe të lejojë që ndihma humanitare të arrijë pa pengesa në Rripin e Gazës”, tha Ministri i Jashtëm turk Hakan Fidan.
Eksportet turke drejt Izraelit janë rritur ndjeshëm vitet e fundit në vitin 2022 ato u rritën me mbi 20 për qind krahasuar me një vit më parë në rreth 5.7 miliardë dollarë mallra që Tel-Avivi importonte nga Ankaraja.
Importet e çelikut dhe hekurit përbënin një pjesë të konsiderueshme, me vlerë 1.06 miliardë dollarë.
