Presidenti i SHBA-së, Donald Trump, bëri një krahasim të mërkurën midis sulmeve të SHBA-së ndaj Iranit gjatë fundjavës dhe përdorimit të bombave bërthamore nga SHBA-ja në Japoni, duke thënë se të dyja u përdorën për t’i dhënë fund me sukses luftërave.
“Nuk dua të përdor shembullin e Hiroshimës. Nuk dua të përdor shembullin e Nagasakit, por në thelb ishte e njëjta gjë që i dha fund asaj lufte“, tha Trump në një samit të NATO-s në Holandë, raporton CNN.
“Kjo i dha fund asaj me luftën. Nëse nuk do ta zhduknim atë, ata do të kishin qenë duke luftuar tani“, vazhdoi ai.
Komentet erdhën në kohën kur Trump punoi për të nënvizuar rëndësinë e sulmeve të tij, të cilat ai tha se e kthyen programin bërthamor të Iranit prapa me dekada.
“Nuk mendoj se do ta bëjnë ndonjëherë përsëri“, tha Trump për ambiciet bërthamore të Iranit.
“Ata kaluan nëpër ferr. Mendoj se e kanë përjetuar. Gjëja e fundit që duan të bëjnë është të pasurohen (me uranium)“
