Nëse grimi do të ishte film, buzëkuqi dhe peneli do të ishin padyshim yjet që do të vidhnin shfaqjen. Por, pa një bazë të pastër, komploti nuk do të ishte kurrë i njëjtë. Këto dy produkte janë rolet e dyta të nevojshme që krijojnë bazën ideale, mbulojnë papërsosmëritë dhe sjellin ekuilibrin që ka nevojë çdo ‘look’: korrektori dhe fondotina/pudra.
Këshilla dhe truket
Zgjedhja më e rëndësishme është ajo e nuancës së duhur. Çelësi për të gjetur nuancën e duhur është të njohësh tonin e lëkurës tuaj. Si rregull, lëkurat më të errëta kanë nevojë për produkte me nuanca të verdha, ndërsa lëkurat më të hapura përfitojnë nga roza.
Pudra, e lëngshme apo mat? Përbërja e produktit duhet të jetë në përputhje me llojin e lëkurës, nevojat e zonës dhe rezultatin e dëshiruar. Teksturat e lëngshme kremoze janë më të lehta për t’u punuar. Kompaktet zakonisht ofrojnë mbulim më intensiv.
Mjeti më i përshtatshëm për aplikim të përsosur varet nga rezultati i dëshiruar. Për mbulim maksimal janë idealet furçat apo gishtat, ndërsa sfungjerët preferohen për një efekt më natyral, të lehtë dhe me shkëlqim.
Ndryshimet stinore ndikojnë në ngjyrën e lëkurës sonë. Për të rregulluar nuancën e fondatinës ose korrektorit, mund të shtojmë pak krem ??hidratues ose dielli për ta zbardhur dhe përkatësisht disa pika bronzer të lëngshëm ose kremoz për ta errësuar.
“Sanduiçi” me korrektor është teknika ku baza vendoset midis dy shtresave të korrektorit. Kjo jo vetëm që ndihmon në mbulimin e plotë të papërsosmërive të tilla si puçrrat ose njollat, por zgjat shumë më gjatë se korrektori i aplikuar vetëm mbi bazë.
Për përzierje perfekte dhe bazë ‘make up’-i që qëndron gjatë në lëkurë, ne zgjedhim bazën dhe korrektorin e së njëjtës markë, pasi kompozimet e tyre janë testuar për të punuar në kombinim.
