Danela Shima, fermerja e “Ferma VIP”, që në momentin që u bë pjesë e spektaklit deklaroi se zemra e saj i përkiste dikujt jashtë. Por natën e sotme, gjatë spektaklit live ajo ka marrë një mesazh të trishtueshëm nga personi i saj i zemrës.
Në mesazhin e lexuar nga Luana thuhej: Nuk kemi qenë ndonjëherë në lidhje. Për mua nuk përbën asnjë problem se me kë afrohet Danela aty.
Mesazhi tronditi Danelën, e cila pyeti moderatoren Luana Vjollca se nga kush ishte mesazhi, por moderatorja nuk e zbuloi emrin pasi personi që ka dërguar mesazhin nuk është personazh publik.
Megjithatë, Danela e kaloi me sportivitet atë që ndodhi dhe deklaroi se do të shijojë eksperiencën e saj në fermë. Një mesazh suportues mori edhe nga opisionistja Zhaku.
Pjesë nga biseda: Danela: Kush ai?
Luana: Unë preferoj të mos jap emër për sa kohë ti nuk ke dhënë dhe ai nuk është person publik.
Danela: Nga ana ime ka shumë dashuri. Nëse ai nuk më do, problemi i tij. Ka qenë ai që ka investuar gjatë gjithë kohës që të dalim, të njihemi. Unë s’e kam pasur qëllim ta njoh, ka ardhur natyrshëm. S’ia kam thënë në fytyrë të dua, por këtu më erdhi natyrshëm. Më vjen mirë se po më jep mundësinë të bëj çfarë të dua dhe ta jetoj jetën time si të dua.
Zhaku: Është një vajzë shumë e mirë, e bukur, e sjellshme dhe çdo djalë do ishte krenar të ishte në krahun tënd. Shfrytëzo momentin dhe trego kush je.
Danela: Do ta bëj nga ky moment e tutje. Nuk pendohem për kohën që i kam dhënë atij njeriu, por mora dhe një mësim të mirë, që mos t’i besoj askujt.
Luana: Ku ka dashuri ka gjithçka, gjithçka sqarohet. Danela: Sado që të mërzitem, ai më suportoi që të isha pjesë e këtij formati. Më vjen shumë keq që ka humbur një vajzë si unë.
