Është vetëm 25 vjeçar shoferi që po akuzohet për vdekjen e 39 personave të gjetur në një kamion në Essex do dalë para gjykatës.
Ai quhet Maurice Robinson nga Craigavon, Irlanda Veriore dhe do të paraqitet përmes një video në Gjykatën e Magjistraturës në Chelmsford.
Trupat u gjetën në një kamion në orët e para të së mërkurës, në një pronë industriale në Grays.
![](https://infolinenews.com/wp-content/uploads/2024/05/440041838_18084124912450355_3946911477327128733_n.jpg)
Testet e ADN-së po kryhen në Vietnam për të ndihmuar në identifikimin e të vdekurve.
![](https://infolinenews.com/wp-content/uploads/2024/05/440041838_18084124912450355_3946911477327128733_n.jpg)
Ndaj 25-vjeçarit rëndojnë 39 akuza për vrasje, komplot për trafikimin e njerëzve, komplot për të ndihmuar imigracionin e paligjshëm dhe pastrimin e parave.
Tre persona të tjerë të arrestuar në lidhje me vdekjet janë liruar me kusht, tha Policia e Essex të dielën.
Detektivët po punojnë për identifikimin e viktimave.
Policia tha fillimisht se viktimat ishin me shtetësi kineze, por një numër familjesh vietnameze frikësohen se të dashurit e tyre janë mes të vdekurve, shkruan oranews.
Disa prej viktimave raportohet se kanë paguar mijëra funte për të garantuar kalimin e tyre të sigurt në Mbretërinë e Bashkuar.
Gjithashtu po hetohen fakti se kamioni mund të ishte pjesë e një kolonë prej tre mjetesh që transportonin rreth 100 persona, përcjell infoline-news.