Samsung Electronics Co”. raportoi një rritje 15-fish të fitimit operativ për tremujorin e dytë të këtij viti, kryesisht falë një kërkese të fortë për çipa memorie mes zgjerimit të teknologjive të inteligjencës artificiale.
“Samsung”-u tha se të ardhurat e saj të konsoliduara u rritën me rreth 23% në 74 trilionë won (53 miliardë dollarë). Kompania tha se kushtet e favorshme të tregut çuan çmime mesatare më të larta të shitjeve, ndërsa shitjet e fuqishme të paneleve organike me diodë me dritë (OLED) kontribuan gjithashtu në rezultatet më të forta.
“I nxitur nga kërkesa e fortë për HBM (memorie me gjerësi të lartë) si dhe DRAM konvencionale dhe SSD të serverëve (disqe në gjendje të ngurtë), tregu i memories në tërësi vazhdoi rimëkëmbjen e tij”, thuhet në njoftimin e “Samsungut”.
