Këngëtarja Rosalia u bë kreative me dhuratën e saj të ditëlindjes për mikeshën e saj të njohur. Për të festuar ditëlindjen e 32-të të Charli XCX, këngëtarja spanjolle mori pjesë në festën e saj me një buqetë të mbushur me lule dhe cigare.
Ylli i muzikës kishte veshur një set të zi elegant dhe çizme të gjata me gura që shkëlqenin. Ajo e përfundoi look-un me një kapele camo mbi flokët e saj të lëshuar, të stiluar me onde.
Në foton e mësipërme, ajo shihet duke mbajtur dhuratën e saj, e cila është një buqetë me lule ngjyrë vjollce e mbushur me cigare. Rosalia ndau një foto të dhuratës së saj në rrjetet sociale, duke shkruar: Normalizoni bërjen e buqetave me gjëra që pëlqejnë miqtë tuaj.
Festa e ditëlindjes së Charli XCX ishte një nga ngjarjet më të mëdha të verës. Festa u ndoq nga yje të shumtë të showbizit, duke përfshirë Lorde, Billie Eilish, Anya Taylor-Joy, Rachel Sennot, Glen Powell, Tove Lo, Finneas, Nelly Furtado, dhe më shumë.
