Kryeministri i Shqipërisë, Edi Rama, ka mohuar raportimet se plazhet shqiptare, kanë ngelur të boshatisura nga mungesa e turistëve për shkak të çmimeve të larta.
Madje sipas tij, ka edhe një përpjekje të ulët sulmi, për të thënë që shqiptarët e Kosovës e kanë braktisur Shqipërine.
”Fakti është që nga janari në qershor ka 1.7 milionë qytetarë të Kosovës që kanë hyrë në Shqipëri, ose 25% më shumë se vjet”.
Lidhur me këtë, Rama u shpreh se ka komunikuar me kryetarët e komunave bregdetare, të cilët sipas tij janë skandalizuar me lajme e komente të manipuluara.
”Ka një sulm të organizuar për të dëmtuar turizmin shqiptar. Kam folur me kryetarët e bashkive bregdetare. Të gjithë janë të skandalizuar nga shumë video, lajme, komente të rreme të manipuluara që duan të thonë që këtu nuk ka ardhur njeri. Natyrisht që faktet janë në terren. Ky sulm i organizuar vjen nga disa anë. Sistemet tona të sigurisë kibernetike kanë ndezur dritën e kuqe për këtë. Janë shumë profile false që përdoren për këtë sulm”.
”Vjet u surprizuam pozitivisht nga italianët, italianet deri në qershor kanë qenë 486 mijë ose 57%. Ka një rritje shumë të fortë të turistëve turq 61%, polakët 74%, por kanë shkuar mbi 100 mijë deri në qershor”.
