Qeveria e Kosovës po mbledhjen e radhës. Në këtë mbledhje është marrë vendimi që të ndahen 4 milionë euro për ndërmarrjen “Trepça”.
Kurti tha se këto mjete po ndahen për ta tejkaluar krizën, teksa thumboi minatorët se nuk janë duke punuar mjaftueshëm.
“Duket se ka tepër shumë punëtorë mbi tokë për xehet e pakta të nxjerra nga nëntoka”, tha Kurti.
Ndryshe, minatorët e Trepçës kanë paralajmëruar protestë para objektit të Qeverisë të enjten, si shkak i shprehjeve të pakënaqësisë për mos-ekzekutim të rrogave për më shumë se dy muaj.
Minatorët janë në grevë pasi nuk kanë marrë pagat e tyre. Shumë prej punonjësve edhe publikisht kanë treguar se gjendja e tyre financiare dhe e familjeve të tyre është rënduar dhe kanë hyrë në borxhe.
Një minator, në kushte anonimiteti, kishte ndarë një bisedë me gruan e tij, ku bisedojnë për blerjen e disa ilaçeve për fëmijën e tyre të sëmurë.
