Policia në Ferizaj ka njoftuar se gjatë javës së kaluar ka shqiptuar 1030 gjoba ndërsa ka hequr 3 patentë shoferë.
“Policia Rajonale e Ferizajt ka ndërrmarrë një sërë aktivitetesh në parandalim të aksidenteve në komunikacion. Në kuadër të këtyre aktiviteteve policia rajonale e Ferizajt gjatë javës që kaloi, nga data 06-12/01/2025 ka shqiptuar 1030 gjoba kundërvajtëse dhe ka hequr 3 patentë shoferë për drejtuesit që kanë shkaktuar kundërvajtje më të rënda në komunikacionin rrugor.
Gjatë kësaj periudhe kohore janë raportuar 39 aksidente trafiku me 22 të lënduar.
“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë.”
