Advertisements
Një autobus me turistë nga Bosnja dhe Hercegovina është përmbysur në qytetin italian San Dona di Piave, jo shumë larg Venecias.
Siç raporton mediumi boshnjak ‘Klix.ba’, në momentin e aksidentit në autobus ndodheshin 79 persona, mes të cilëve dy vozitës. Pas përmbysjes, zjarrfikësit kanë ndërhyrë dhe kanë nxjerrë të gjithë pasagjerët.
Pas aksidentit kanë mbetur të plagosur 10 persona, por me plagë të lehta. Ata u ndihmuan nga stafi mjekësor, i cili më pas i transferoi në emergjencë në Jesolo.
Autobusi po kthehej në Trieste, pas festave të Vitit të Ri në Punta Sabbiona.
Operacionet e shpëtimit të zjarrfikësve përfunduan më 1 janar rreth orës 8:30 të mëngjesit.
