Një ngjarje e rëndë ka tronditur komunitetin shqiptar në Zvicër, ku një shtetas i Kosovës dyshohet se ka kryer vrasje të rëndë, duke vrarë bashkëshorten e tij dhe më pas duke humbur jetën vetë.
Lidhur me më këtë, sot autoritetet zvicerane kanë mbajtur një konferencë për media, Cedric Aebischer, kreu i Njësisë së Krimit të Përgjithshëm dhe Policisë së Sigurisë, ka thënë se të dy trupat janë identifikuar të premten.
Burri kishte një vrimë nga plumbi ndërsa gruaja e tij katër.
“Burri kishte një vrimë plumbi, gruaja e tij katër”, raporton Blick.ch, duke shtuar se burri kishte vrarë bashkëshorten e tij dhe më pas edhe veten.
“Autori ka shkuar në shtëpi mëngjesin e së enjtes dhe ka dashur të vizitojë gruan e tij, e cila punonte aty si pastruese. Para shtëpisë ai ka takuar pronarin e pronës, i cili i ka kërkuar të largohet. Më pas autori ka qëlluar të shtënat e para. Menjëherë më pas, ai qëlloi me armë partneren e tij në katin përdhesë të shtëpisë. Më pas vrasësi vrau veten në katin e sipërm të shtëpisë”, shkruan Blick.ch.
Ndërkohë Prokurori i Përgjithshëm, Fabien Gasser, ka thënë se burri kishte qenë i ndaluar nga 18 shtatori deri me datën pesë dhjetor 2024 për dhunë në familje, para se të lirohej me disa kushte.
