Advertisements
Një aeroplan japonez i nisur nga Tokio në Teksas bëri ulje emergjente pasi një pasagjer u përpoq të hapte një nga dyert e tij gjatë fluturimit.
I gjithë fluturimi u devijua për në Seattle disa orë pasi u ngrit të shtunën “për shkak të një pasagjeri të padisiplinuar”, tha linja ajrore, transmeton Klankosova.tv.
Policia e Portit të Seattle tha për mediat se ishin njoftuar për një burrë që u “përpoq të hapte dyert e daljes gjatë fluturimit”.
Burri, i cili nuk u identifikua, ka pasur një krizë mjekësore dhe duhej të frenohej nga pasagjerët e tjerë dhe ekuipazhi i fluturimit, tha policia.
Ai u dërgua më vonë në një spital dhe nuk dihet nëse ai do të përballet me ndonjë akuzë.
