Advertisements
Shtetet e Bashkuara të Amerikës kanë kryer mbrëmjen e kaluar sulme ajrore ndaj tre objekteve bërthamore në territorin iranian. Lajmi është konfirmuar nga vetë presidenti amerikan, Donald Trump.
Sipas Trumpit, goditjet janë ndërmarrë mbi qendrat bërthamore në Fordow, Natanz dhe Esfahan – që përbëjnë pjesën më të rëndësishme të programit bërthamor të Iranit. Presidenti nuk dha detaje mbi shkallën e dëmeve, por e cilësoi operacionin si “të suksesshëm”.
Ky zhvillim përbën një përshkallëzim të madh të krizës mes SHBA-së dhe Iranit, duke shtuar shqetësimet për një destabilizim të mëtejshëm në Lindjen e Mesme.
