Advertisements
Pas përfundimit të dëshmisë së Fadil Gecit, dëshmitari i radhës në gjykimin ndaj ish-krerëve të UÇK-së është Nuredin Ibishi i njohur me epitetin komandant “Leka”
Fillimisht, pyetjet për këtë dëshmitar i nisi prokurorja Silvia D’Ascoli, e cila po prezantonte dokumente që janë deklarata të mëhershme të Ibishit të dhëna më parë për autoritetet e drejtësisë.
“Jam mundu ta them të vërtetën, e nëse ka ndonjë mospërputhje do të mundohem ta sqaroj”, tha Ibishi.
Sipas kryetarit të trupit gjykues, dëshmia e Ibishit do të zgjasë rreth një a po dy ditë, e që prej kësaj kohe, 2 orë e gjysmë janë paraparë për pyetje të ZPS-së. Ndërsa, për mbrojtjen e viktimave rreth 20 minuta. E, për mbrojtjen e të akuzuarve rreth gjashtë orë.
