Një ari i rrallë polar që u pa jashtë një vile në një fshat të largët në Islandë u qëllua nga policia pasi u konsiderua një kërcënim, thanë autoritetet të premten.
Ariu u vra pasditen e së enjtes në veriperëndim të Islandës pasi policia u konsultua me Agjencinë e Mjedisit, e cila refuzoi të zhvendoste kafshën, tha për Associated Press shefi i policisë së Westfjords, Helgi Jensson.
“Nuk është diçka që na pëlqen të bëjmë”, tha Jensson. “Në këtë rast, siç e shihni edhe në foto, ariu ishte shumë afër një shtëpie verore. Aty ishte një grua e moshuar”, transmeton Klankosova.tv.
Pronarja, e cila ishte vetëm, u frikësua dhe u mbyll lart teksa ariu gërmonte nëpër mbeturinat e saj, tha Jensson. Ajo kontaktoi vajzën e saj në Reykjavik, kryeqytetin e vendit, me lidhje satelitore dhe bëri thirrje për ndihmë.
