Një video që tregon reperin me origjinë shqiptare Sin Boy duke u sulmuar nga të panjohur gjatë transmetimit drejtpërdrejtë në TikTok po bën xhiron e rrjetit. Motra e tij ka folur në emisionin ‘Hello’ dhe ka treguar se Sin Boy ndodhet në spital pas sulmit.
“Shkuam në spital, se kisha frikë mos kishte hematomë në kokë, është në spital. Është nëna ime tani atje, me të. I dhemb koka, është i trullosur. Unë kurrë nuk e kam përjetuar këtë më parë”, tha ajo fillimisht.
Më pas ajo përshkroi sulmin: Ai ishte drejtpërdrejt në TikTok dhe unë isha në oborr. Papritur, dëgjuam zhurma. Më thotë shoku im “hajde po e rrahin”. Hyra dhe shoh brenda vëllain që u rrëzua dhe u godit me shkelma. Ai ishte i mjerë, fytyra e tij ishte skuqur. Ai u ngrit i trullosur dhe vajzat e detyruan të ulej. I sollëm ujë, u përpoqa ta ndihmoja, shkuam edhe në një farmaci.
Për ata që besojnë se incidenti ishte i inskenuar, ajo tha: Vëllai im i kishte flokët me bojë të lyera dhe në momentin që u dhunua në video është parë duke rregulluar flokët sikur skishte ndodhur asgjë por në fakt e vërteta nuk qëndron kështu. Ai kishte frikë se mos i lëndoheshin sytë, mos digjej. Sepse ai ka miopi dhe astigmatizëm prandaj u mundua të largonte bojën me kimikate larg fytyrës.
Llogaria askunkfunk ka postuar momentin e sulmit në Instagram. Në video, të paktën dy burra të veshur me të zeza shihen duke grushtuar dhe goditur me stol Sin Boy, i cili ra në tokë për t’u mbrojtur nga goditjet. Në video shfaqen edhe punëtorët e sallonit duke u përpjekur të frenojnë dy agresorët, të cilët kishin të mbuluar tiparet e fytyrës.
