Aktori dhe shkrimtari Çun Lajçi, ka thënë se presidenti serb Aleksandar Vuçiq, i ka dhënë para me thaës Milan Radoiçiqit, për t’i përçarë shqiptarët.
Në një postim në Facebook, Lajçi ka kritikuar kreun e AKR-së Behgjet Pacolli, i cili ka zbuluar së fundmi se ia kishte kërkuar Radoiçiqit votën për Vjosa Osmanin president, përcjell Bota sot.
“…mos qofsha n’lëkurën e Albin Kryeministrit, se isha çmendë ditën për drekë!”, ka shkruar ai.
Reagimi i tij i plotë:
Dhe ia arriti qëllimit Vuçiq e Daçiq
“Përçaj e sundo”
Po shkruaj, se unë ditën rri me At Fishtën e natën me vinë n’andërra kryetrimat e tij; “Osoja, Deda, Marashi, Kërrni Gila…” e mos o Zot me m’ardhë Abdixhiku, Memli, Ramushi apo Fatmiri”!
Në andërr e shoh Cubin e Cetisë tue folë me Knjazin; – kallxojau kuletën shqiptarëve gospodar, ndaç me i sundua, se për pare Shqipninë ta shesin!
– Përçaj e sundo o Gospodar i thotë, e Knjazi ia mbushë strajcën dinarë dhe e nisë për Shkodër! “Shko, mbushjau gushën dinarë e mos fol”!
Dhe erdhi dita e Vuçiqit (gospodarit), edhe ky i paska pasë dhanë pare me thasë Radojçiqit, e ky i bani pikë e pesë shqiptarët!
Prandaj Vuçiqi s’e dorëzon kurrë Radojcën, mashën,(kuletën) e vet; – përçaj e sundo asht motoja e “dreqit kojshi” dhe ata s’e harrojnë traditën e përçarjes, sikur neve që s’e harrojmë traditën e shitjes me pare!
Po, erdhi dita “Përçaj e sundo”, sepse shqiptari asht i vetmi rod që pa e pyet kallxon për tjetrin, siç kallxoi miljarderi ynë për Radojçiqin, që e paska pasë lutë për nji kokërr vote për Vjosën, e ajo kokërr sigurisht se i ka kushtua qinda mija euro Bacës!
E paska pasë hapë kuletën Vuçiqi, sepse adetet e t’parëve si harron thiu kojshi, nuk asht si ne, që i harrojmë Adem e Shkelzen e Agim, dhe tokën, la me gjakun e tyne e shesim për pare!
– Parja baco parja, ajo e kthen ujin përpjetë e këta e bajnë kahre edhe Ushtrinë e vet, “se qyshë, demek, paska mbetë pa bukë”, që ta merr vesh Vuçiqi se n’çfar deregjeje ka ra shteti i tyne!
– E bajnë kahre robin e vet, “se si ajo bija e tyne i paska thanë vëlla Simiqit!
– Qyshë i paska puthë nga tri herë n’faqe, jo n’buzë, “gospodarët” e Listës Serbe, ajo nusja e PDK-së!”
Tani parja e serbit asht çua peshë në xhepat e partive tona, analistëve tanë, gazetarëve, OJQ-ve e Televizioneve e mos qofsha n’lëkurën e Albin Kryeministrit, se isha çmendë ditën për drekë!
Paj po druaj; – mos po e blejnë Kosovën pa e shkrepë as nji plumb bre bacë!
