Shërbimi i inteligjencës ushtarake të Ukrainës (SBU) ka njoftuar se ka parandaluar një atentat për vrasjen e presidentit Volodymyr Zelensky në aeroportin Rzeszow të Polonisë.
Lajmi është raportuar nga agjencia polake PAP.
Ky aeroport, i cili ndodhet pranë kufirit me Ukrainën, përdoret shpesh si terminal për udhëtimet zyrtare drejt dhe nga Ukraina.
Kreu i SBU-së, Vasyl Malyuk, konfirmoi për gazetarët se operacioni për të ndaluar atentatin është zhvilluar me sukses, pa dhënë detaje se kur ka ndodhur ngjarja.
“Qëllimi ishte eliminimi fizik i presidentit Zelensky në aeroportin e Rzeszow. Ishin marrë në konsideratë disa metoda, përfshirë përdorimin e një droni FPV dhe të një snajperi”, deklaroi ai.
Sipas të dhënave të publikuara nga agjencia ukrainase Interfax, një ish-ushtar polak i rekrutuar vite më parë dyshohet se ishte përfshirë në planin e atentatit.
