Tensionet mes Joz Markut dhe Loredana Bratit në Big Brother VIP Albania 4 nuk po shuhen.
Marrëdhënia e tyre, e karakterizuar nga afrim e largim të vazhdueshëm, ka marrë sërish një kthesë të papritur.
Së fundmi, Loredana ka shpërthyer ndaj këngëtarit, duke i kërkuar të mos i afrohet më dhe ta lërë të qetë. Ajo duket se është prekur nga afrimiteti i Jozit me Rozana Radin, një tjetër banore me të cilën Lori nuk ka pasur marrëdhënie të mira.
Në një moment tensioni, ajo ia bëri të qartë që nuk dëshiron më të ketë asnjë kontakt me të brenda shtëpisë së BBVA.
“Ik aman se më ngre nervat, qepe atë gojë mos fol fare. Mos më rri afër. Nga sot, unë nuk ekzistoj më në këtë shtëpi për ty. Betohem, betohem për mamin”, iu drejtua ajo Jozit, me tone të larta.
Ndërkohë, Jozi reagoi me ftohtësi duke i thënë: “Mirë meqë e paske kaq të lehtë, thjesht po tregon veten tënde. Meqë kaq lehtë e paske, vazhdo.”
