Gjykata Themelore në Pejë ka ndryshuar masën duke miratuar ankesën e avokates Aurora Mulhaxha që mbron biznesmenin e naftës, Vesel Jusaj, që u arrestua pas vdekjes së të riut pejan në pompën e tij.
Ditë më parë Gjykata Themelore në Pejë miratoi kërkesën e Prokurorisë së atjeshme që ta dërgonte një muaj në paraburgim biznesmenin e naftës, Vesel Jusaj.
Gazeta Insajderi ka sjell detaje ekskluzive se për çka po dyshohet ai.
Pas këtij vendimi, avokatja e tij, Aurora Mulhaxha ka ushtruar ankesë kundër vendimit të njëjtit vendim.
Vendimi i ri i Gjykatës në këtë rast është që biznesmenit Jusaj i ndërrohet masa me të cilën garantohet prezenca e tij në proces, dhe nga paraburgimi ai është dërguar në arrest shtëpiak.
Insajderi ka tentuar të marr një koment nga avokatja e tij, Aurora Mulhaxha, por e njëjta nuk ka pranuar që të komentoi.Jusaj, në cilësinë e pronarit të kompanisë së derivateve “Delta Group”, po hetohet lidhur me një aksident tragjik në të cilin humbi jetën një i ri si pasojë e shpërthimit të një bombole gazi.
Prokuroria ka bërë me dije se hetimi ndaj Jusajt ka nisur nën dyshimin për veprën penale “asgjësim, dëmtim apo heqje e pajisjeve mbrojtëse dhe rrezikim i sigurisë në vendin e punës”.
Në seancë, Prokuroria argumentoi për caktimin e masës së paraburgimit për shkak të rrezikut të përsëritjes së veprës dhe pengimit të hetimeve, duke theksuar edhe deklaratën e e një dëshmitari, i cili theksoi se Jusaj kishte tentuar të ndikonte te punëtorët e tjerë për ndryshimin e dëshmive.
Prokuroria ka cilësuar rastin si një rrezik për sigurinë e punonjësve dhe për rrjedhën e procesit penal, ndërsa masa e paraburgimit u konsiderua e domosdoshme për të siguruar mbarëvajtjen e procedurave.
