Ledri Vula dhe Xhensila Myrtezaj po vazhdojnë të jenë një nga dyshet më të komentuara në estradën shqiptare, veçanërisht pas suksesit të bashkëpunimit të tyre të fundit muzikor, që u prit shumë mirë nga publiku.
Por duket se raporti mes tyre ka kapërcyer kufijtë e muzikës dhe ka ngjallur interes të madh edhe për jetën e tyre personale.
Në një intervistë të fundit, reperi nga Prishtina ka folur për raportin me këngëtaren, duke veçuar energjinë pozitive dhe harmoninë që i karakterizon. Ai është shprehur: “Kemi pasur shumë kimi. Edhe në studio, edhe në klip… edhe në shoqëri. Jemi shumë shokë me Xhensilën.”
Këto fjalë kanë shkaktuar reagime të menjëhershme në rrjete sociale, ku shumë fansa kanë nisur të spekulojnë për një afërsi më të madhe mes dyshes, përtej miqësisë dhe bashkëpunimit artistik.
Edhe pse asnjëri prej tyre nuk ka reaguar më tej për këto zëra, duket se lidhja e tyre e fortë – qoftë në skenë apo jashtë saj – po vazhdon të jetë në qendër të vëmendjes mediatike dhe të opinionit publik.