Në mbledhjen e sotme Bordi Drejtues i ARKEP ka vendosur për numrat e operatorit Z-Mobile pas përfundimit të kontratës me operatorin VALA.
Për shkak të përfundimit të kontartës, Bordi Drejtues i Autoriteti Rregullativ i Komunikimeve Elektronike dhe Postare ka vendosur që këto numra t’i kalojnë Telekomit të Kosovës.
Kjo ndodhi pas analizimit të situatës së krijuar si rezultat i mos vazhdimit të raportit komercial ndërmjet operatorit të rrjetit të telefonisë “Telekomi i Kosovës” dhe operatorit virtual të rrjetit “Dardafon.net”.
“Me qëllim të dhënies së mundësisë së përdoruesve fundorë për vijimësi të shërbimeve, numeracioni i cili është aktualisht në dispozicion për nevoja të operatorit virtual ‘Dardafone.net’, pas kalimit të periudhës tranzitore, t’i kalojë për përdorim operatorit amë rrjetit të telefonisë, përkatësisht ‘Telekomit të Kosovës’”, thuhet në vendim.
Po ashtu në këtëvendim thuhet shfrytëzuesit e telefonisë mobile që shërbimi për ta nuk do të ketë ndërprerje në asnjë moment.