Është larguar nga shtëpia pas votimit të publikut Zerbërvoki.
Në studio ai u shpreh se ka qenë i rezervuar dhe i kujdesur duke shtuar se nuk e pa vetën potencial të asaj loje.
“Unë kam parimet e mia, më thënë të drejtën jam treguar shumë i matur dhe i rezervuar. Nuk e pashë veten potencial të asaj loje, dhe nuk është e thënë që të kemi sukses në çdo fushë. Kisha dhe frikën e asaj që kam ndërtuar jashtë, sepse çdo lëvizje e gabuar mund të rrezikonte shumë. Është absurde të vish në një lojë dhe të humbësh vlerat, jeta, dinjiteti dhe morali të shoqëron gjithmonë”, u shpreh ai.
Ndërsa banorët kanë bërë nominimet e tyre këtë mbrëmje duke dhënë dy emra banorësh që duan t’i çojnë në televotim.
Në nominim me pyetjen “Kë doni të shpëtoni”, shkojnë Gerta, Livia, Arsida, Rozana, Olsi, Jozi, Gramozi.
Verdikti i publikut do të jepet të martën, ndërsa votimi do të vijojë prej kësaj mbrëmjeje deri në ‘prime’ e ardhshëm.
