Pas zhvillimeve të fundit në formatin “Ferma Vip”, këngëtarja dhe bashkëshortja e Big Bastas, Vesa Luma, ka reaguar me një mesazh të fuqishëm në rrjetet sociale.
“Ju falenderojmë të gjithëve për mesazhet,” shkruan ajo, duke vijuar me një deklaratë të drejtpërdrejtë lidhur me situatën që ndodhi live gjatë transmetimit.
“Edhe unë e ndoqa live gjithë situatën dhe e them me plot gojë që ishte jo vetëm dëshpëruese, por çnjerëzore nga ana e Big Mames.”
Vesa kërkon përjashtimin e menjëhershëm të Big Mames nga formati, duke theksuar se është shkelur një rregull themelor.
“Kur prek familjen dhe fëmijën pa lejen tonë, atëherë nuk është më lojë, por bëhet personale.”
Në vijim, ajo shprehet se bashkëshorti i saj ka hyrë në këtë format për të luftuar injorancën dhe stereotipet që, sipas saj, kanë zënë frymën e vendit:
“Ka hyrë për të dhënë një shembull për djalin e tij dhe për gjithë rininë shqiptare – nëse ka mbetur ndonjë pikë shprese.”
Vesa e mbyll reagimin e saj me një thirrje për mbështetje të vazhdueshme për partnerin e saj në rrugëtimin e tij në format:
“Këtë rrugë duhet ta çojë deri në fund bashkë me të gjithë ju që i keni dhënë mbështetje pafund deri tani.”/Indeksonline/
