Krejt papritur, kohë më parë DJ Dagz fshiu Luiz Ejllin nga rrjetet sociale dhe jo pa arsye. I ftuar në emiksionin “Canape.t7”, Dagz tregoi se çfarë ndodhi në të vërtetë.
“Unë nuk është se kam qenë shumë i lidhur me ‘Big Brother VIP 2’ sepse e kam përjetuar vetë dhe nuk jam marrë shumë. E kam parë që Luizi më ka përmendur dhe përshëndetur shpesh brenda shtëpisë dhe kur i ka ndodhur një situatë aty brenda, nuk po e përmend [cilën], njerëzit më kanë shkruar dhe më kanë pyetur nëse duhet ta përkrahja. Dhe unë kam thënë ‘Po’.” – tha ai.
Në vijim shtoi:
“Në pesë minuta, më kanë ardhur mbi 200 mesazhe me fotografi, ku në një moment të caktuar kur ishte Einxhel shtatzënë, kishte bërë statuse dhe komente rreth shtatzënisë së një gruaje [dhe nuk më pëlqeu] pa marrë parasysh se është gruaja ime, e dikujt tjetër. Kur e kam parë, nuk po i referohem vetëm rastit konkret, por në përgjithësi njerëzit që komentojnë njerëz të tjerë, fëmijë të tjerë, burra të tjerë, lëre më gra shtatzënë, unë nuk i pëlqej. Jam shumë kundër. Sot, këto ofendimet dhe bullizimet po i lëndojnë shumë njerëzit.”
Dagz, i cili nuk përmendi se për çfarë komentesh bëhet fjalë, theksoi se të tilla postime në internet kanë qenë edhe fatale për njerëz të tjerë.
