Serbët vazhdojnë të hezitojnë për ta njohur ekzistimin e shtetit të pavarur dhe të njohur ndërkombëtarisht të Kosovës.
Një komentator serb, gjatë transmetimit të ndeshjes ndërmjet Athletic Bilbaos dhe Mallorcas ka refuzuar ta përmend emrin “Kosova”, kur bëhej fjalë për vendin e Vedat Muriqit, shkruan “Gazeta Express”.
Teksa e përmendi sulmuesin prizrenas, komentatori i televizionit serb “Arena Sport”, 28 vjeçarin e quajti si lojtar që vjen nga “krahina jugore serbe”, siç mund ta shihni në video duke klikuar KETU
Ky gjest është konsideruar si skandaloz nga mediat e rajonit, ndërsa është vënë dyshimi se komentatori serb e ka të ndaluar ta përmend Kosovën “nga shefat lart”.
Muriqi nuk arriti të shënonte derisa Mallorca i ndau pikët me Bilbaon.
Sulmuesi kosovar u ble përfundimisht nga klubi ishullor pas eksperiencës dëshpëruese që e kishte në Lazio, shkruan “Gazeta Express”.
Muriqi kishte shkëlqyer për gjysmë sezoni në Mallorca, ku kishte luajtur në formë huazimi duke i shënuar 5 gola dhe duke i bërë 3 asistime.