Një video po qarkullon në rrjetet sociale që tregon koleksionin e veturave të presidentit të rrëzuar sirian Bashar al-Assad, të parkuara në një garazh pranë pallatit të tij kryesor në Damask.
Videoja, e filmuar nga një individ duke vozitur mes koleksionit dhe e verifikuar nga CNN, shfaq më se 40 vetura luksoze në një parking të madh në Damaskun perëndimor, në veri të lagjes Al-Mazzeh, përcjell Insajderi.
Disa nga makinat që shihen në pamje përfshijnë një Ferrari F50 të kuq – i cili zakonisht shitet përreth tre milionë euro – një Lamborghini, një Rolls Royce dhe një Bentley. Të paktën një nga automjetet mbanin targa të Damaskut.
Përballë një ofensive çuditërisht të shpejtë rebele, Assad dhe familja e tij ikën në Moskë dhe të njëjtëve iu dha azil politik.
