Presidenti i Serbisë, Aleksander Vucic, ka ndërprerë vizitën e tij në SHBA dhe është kthyer në Beograd me arsyetimin se i janë paraqitur probleme shëndetësore.
Vuçiq, siç raportojnë mediat serbe është pranuar në spitalin ushtarak në Beograd dhe se njerëz janë mbledhur jashtë spitalit.
Ish-mjeku i Boris Tadiqit dhe ministri i Shëndetësisë, Zlatibor Lonçar, e kanë takuar atë në spital ushtarak.
Vuçiq gjatë qëndrimit në SHBA u takua me ish-kryetarin e Nju Jorkut, Rudy Giuliani.
Ai ishte paraparë që të takohej me disa zyrtarë të lartë të Partisë Republikane, para se të ndërpriste vizitën në SHBA.
I dërguari i presidentit amerikan për Misione të Posaçme, Richard Grenell, i ka uruar shërim të shpejtë Vuçiqit, pasi udhëheqësi serb ndërpreu vizitën papritur.
Në një postim në X, Grenell po ashtu ka shprehur keqardhje që nuk ka mundur të takohet me udhëheqësin serb.
Sipas agjencisë Tanjug, Vuçiq u sëmurë teksa po përgatitej për takimet me kongresistë amerikanë.
Vizita e Vuçiqit në SHBA u zhvillua disa ditë para se ai të marrë pjesë në Ditën e Fitores në Moskë më 9 maj. Kjo vizitë e tij në Rusi është kritikuar nga Bashkimi Evropian.
Kreu i shtetit serb kishte paralajmëruar se do të takohej me presidentin amerikan, Donald Trump, gjatë qëndrimit në SHBA.
