Ylli televiziv Khloe Kardashian, e cila vite më parë ishte në një lidhje me Odell Beckham Jr., duket se nuk e ka problem romancën e motrës së saj, Kimit me ish-të dashurin sportist.
Siç kanë bërë të ditur burimet për “Daily Mail”, nuk ka hatërmbetje rreth kësaj romance.
“Khloe i ka dhënë bekimin Kimit për ta vazhduar këtë”, zbulon një burim i brendshëm, duke shtuar: “Nuk ishte asgjë serioze mes Odell dhe Khloe, ata patën disa momente flirtimi. Khloe dëshiron që Kimi ta gjejë dikë dhe të jetë e lumtur”, ka shtuar ai.
Khloe ishte e lidhur me Odellin në vitin 2016, të cilët dyshohet se janë takuar disa muaj atë kohë.
Në fillim të këtij muaji u zbulua se Kimi dhe Odelli kanë nisur lidhjen e tyre. Kjo lidhje raportohet të ketë filluar nga vera e kaluar, mirëpo dyshja ka arritur ta mbajë të fshehtë deri më tash.
