Tregu i makinave të përdorura në shumicën e vendeve është rikthyer në nivelet para pandemisë, por transparenca mbetet një shqetësim i madh.
Çdo vit, mijëra klientë blejnë automjete me defekte të fshehura dhe kilometrazh të kthyer, shpesh të pavetëdijshëm se po paguajnë tepër për një makinë në gjendje të keqe.
Vetëm 2,1% e makinave u është kthyer kilometrazhi dhe 17,8% e automjeteve janë dëmtuar në Britani. Problemi qëndron se në këtë shtet makinat kanë timon të djathtë.
Italia, Zvicra, Gjermania dhe Suedia janë gjithashtu në top pesë vendet më transparente.
Blerësit e makinave në Evropën Perëndimore dhe Skandinavi kanë më pak gjasa të përballen me mashtrime të kilometrazhit ose defekte të fshehura. Ligjet më të rrepta sigurojnë që blerësit të kenë më shumë besim në historinë dhe cilësinë e automjetit.
Vendet më pak transparente të përfshira në sondazh ishin Ukraina, Letonia, Lituania, Rumania dhe Estonia. Këto tregje u renditën poshtë edhe vitin e kaluaR.
