Gjykata Themelore në Prishtinë ka dënuar me dënim të përjetshëm Jeton dhe Nexhat Vllasaliun, të akuzuarit për vrasjen e biznesmenit Bedri Rexhepi.
Prezent në sallë kur iu është caktuar vendimi kanë qenë edhe familjarët e të ndjerit, të cilët e kanë përcjellë vendimin me duartrokitje.
Kryetarja e trupit gjykues, Medie Bytyqi, ka thënë se ata janë fajtorë për dy vepra penale: vrasje e rëndë dhe dëmtim i varrezave apo kufomave.
Sipas aktakuzës, Jeton Vllasaliu, më 08.04.2021, Bedri Rexhepin e dërgon në fshatin Vllasali, në shtëpinë e të pandehurit Nexhat Vllasaliu, pasi paraprakisht kishin planifikuar vrasjen e tij. Gjithnjë sipas aktakuzës, me të arritur te shtëpia e të pandehurit, Jeton Vllasaliu në mënyrë tinëzare e vret Bedri Rexhepin duke menduar që ky i fundit ka shumën e caktuar të parave.
