Advertisements
Më 28 Nëntor, duke filluar nga ora 14:00, në Qendrën e Kulturës “Hasan Prishtina” në Vushtrri, do të hapet ekspozita “Art dhe Trashëgimi”, organizuar nga OJQ L’Art Youth Gallery.
Kjo ekspozitë sjell punime artistike të 25 artistëve nga e gjithë Kosova, si dhe të nxënësve të Gjimnazit “Eqrem Çabej”dhe Shkollës së Lartë Teknike “Lutfi Musiqi” në Vushtrri.
Punimet janë realizuar gjatë një punëtori dyditore të mbajtur në Muzeun e Qytetit, ku artistët patën mundësinë të krijojnë vepra që do të prezantohen në këtë ngjarje.
Projekti është përkrahur nga Komuna e Vushtrrisë dhe ka për qëllim promovimin e artit dhe trashëgimisë kulturore.
