Modelja e mirënjohur Hailey Bieber, po pret fëmijë me burrin e saj, këngëtarin me famë botërore, Justin Bieber.
Lajmin e ka bërë të ditur vet Hailey përmes një postimi në llogarinë e saj në rrjetin social Instagram, ku ka ndarë disa fotografi dhe një video përkrah Justinit.
“Justinbieber”, ka shkruar ylli në postim.
“Alexa luaj këngën ‘Baby’ të Justin Bieber sepse bebja Bieber është rrugës”, ka shkruar revista prestigjioze Vogue, ndërsa postoi lajmin në rrjetin social Instagram.
Hailey në videon dhe fotografitë që ka postuar kishte të veshur një fustan të bardhë dhe vello nga brendi i mirënjohur i veshjeve “Saint Laurent”, ndërsa çifti shihej duke ripërtërirë betimet e martesës.
Lajmi vjen gati pesë vjet pasi çifti është martuar, në muajin shtator të vitit 2019, në një ceremoni private në Montage Palmetto Bluff në jug të Kalifornisë.
Qe disa muaj është spekuluar që Hailey është shtatzënë, pasi që ajo nuk ishte e pranishme në disa ngjarje. Pasi u shfaq në tepihun e kuq të ngjarjes së ndarjes së çmimeve muzikore, “Grammy”, ajo u ishte përgjigjur disa komenteve duke thënë se “dëshiron që të lihet rehat”.
Në shumë intervista çifti kishte konfirmuar se dëshiron të ketë fëmijë bashkë.
