Të paktën 20 mace të mëdha, përfshirë një tigër të Bengalit dhe katër puma, kanë ngordhur nga grupi i shpezëve gjatë disa javëve të fundit në një vendstrehim kafshësh në Uashington.
Ky infeksion i bartur nga zogjtë e egër, përhapet kryesisht nëpërmjet sekrecioneve të frymëmarrjes dhe kontaktit të zogjve me shpend, por që mund të infektohen edhe gjitarët që hanë zogj, raportoi BBC-ja.
“Kjo tragjedi ka prekur thellësisht ekipin tonë dhe të gjithë jemi të pikëlluar për humbjen e këtyre kafshëve”, ka shkruar Qendra “Wild Felid” në Uashington në një postim në Facebook.
Kjo strehë e kafshëve është nën karantinë dhe e mbyllur për njerëzit, në mënyrë që të parandalohet përhapja e virusit.
“Kafshët ngordhën midis fundit të nëntorit dhe mesit të dhjetorit. Kurrë nuk kemi pasur diçka të tillë. Zakonisht ngordhin kryesisht nga pleqëria”, ka deklaruar drejtori i strehës, Mark Mathews, për “New York Times”.
Sipas qendrës, nga ky virus më së lehti mund të preken macet.
“Macet janë veçanërisht të prekshme ndaj këtij virusi, i cili mund të shkaktojë simptoma fillestare delikate, por përparon me shpejtësi, shpesh duke rezultuar në vdekje brenda 24 orëve për shkak të kushteve të ngjashme me pneumoninë”, thuhet në deklaratën e qendrës.
