Aktori i njohur kosovar, Jeton Zogiani, ka reaguar me tone të ashpra ndaj vëmendjes së madhe që ka marrë incidenti mes Gjestit dhe Jozef Markut në “Big Brother VIP Albania”.
Ai kritikoi ashpër publikun për fokusimin te një episod që, sipas tij, është i parëndësishëm krahasuar me sfidat reale që përballen qytetarët çdo ditë.
Përmes një postimi në Facebook, Zogiani ka ngritur pyetjen retorike: “A t’i kthehemi halleve të vërteta, apo do të mbesim te shfaqjet qesharake?”
Ai shtoi se ngjarje të tilla, të cilat i cilëson si “teatër banal për ca përfitime mjerane”, po e largojnë vëmendjen nga problemet serioze si rritja e çmimeve dhe përkeqësimi i kushteve të jetesës.
“Gjesti, Jozi, Mozi, Kozi – krejt një teatër banal për ca përfitime mjerane. Po të kishim shpërthyer kështu për rrymën që na plaçkit, për jetën që na shtrenjtohet dita-ditës, sot do të ishim ndryshe. Por jo, heshtja jonë u ble lirë,” shkroi aktori.
“Mal pa derra nuk ka!”.
