Fero ka bërë bujë të madhe me paraqitjen e tij në një nga klubet më të njohura në Zvicër, duke thyer çdo rekord të mëparshëm.
Në 30 vite histori të klubit, kurrë nuk ishte parë një numër kaq i madh njerëzish.
Turma e madhe krijoi atmosferë të zjarrtë që u ndje nga hyrja deri në skenë.
Koncerti nisi me një intro epike ku Fero shfaqej në video duke shikuar drejt publikut, duke rritur tensionin dhe në momentin kur ajo përfundoi, ai shpërtheu në skenë mes dritash dhe zhurmës së fansave që çmendeshin nga entuziazmi, transmeton Klankosova.tv.
Nga fillimi deri në fund, performanca e tij ishte elektrizuese. Çdo këngë e tij u këndua nga turma si një himn. Nga hitet e vjetra te projektet e reja, Fero e mbajti publikun në grusht për orë të tëra, pa rënë as edhe për një sekondë. Performanca e tij ishte e përkryer, me energji të papërmbajtshme dhe një lidhje të jashtëzakonshme me audiencën.
