Aktori i Hollywoodit, Leonardo DiCaprio, i cili u bë i njohur me rolin e tij në filmin “Titanic”, ka thënë se kolegu i tij Robert De Niro është i jashtëzakonshëm në ekran. Përveç De Niros, ai, aktoren Maryl Streep e quajti “si më të mirën të të gjitha kohërave”, ka shkruar Farout Magazine.
Duke folu për revistën “Time Out”, për rolin e tij në filmin “This Boys Life”, në të cilin ka luajtur përkrah De Niros, ai tha se ajo përvojë “ia ka ndryshuar jetën”.
“Isha 15 vjeç dhe më kujtohet çdo detaj… Çdo gjë ishte e re për mua”, ka thënë DiCaprio duke shtuar se De Niro me dedikimin që shfaqi në punë, pati ndikim të madh tek ai.
DiCaprio e ka vlerësuar lartë edhe aktoren e njohur Meryl Streep duke e quajtur “më të mirën të të gjitha kohërave”.
Me Streepin, DiCaprio ka punuar në vitin 1996, kur ishte 18 vjeç, në filmin “Marvin’s Room”, regjinë e të cilit e pati bërë Jerry Zaks.
Në këtë film ai ka bashkëpunuar me aktoren Diane Keaton, si dhe me DeNiron edhe një herë.
Në një intervistë për Esquire, qe DiCaprio pati bërë në vitin 2010, ai pati kujtuar punën që kishte bërë në atë film bashkë me Streepin.
“Më kujtohet kur isha 18 vjeç, kam pas punuar me Merylin. Më kujtohet se si e kam ushtruar skenarin, bashkë me të, prapa kamerave, e shikoja dhe thosha me vete: ‘Çka po ndodhë këtu? Si do të duket mirë kjo gjë?’ Pastaj kur u ula në teatër për ta parë filmin, mendova me vete: ‘Oh Zot, ajo është i vetmi person që duket krejtësisht natyrale’. Meryl mund të jetë aktorja më e mirë në botë”, ka thënë aktori.
Ai do ta ndante skenën me Streep edhe një herë tjetër, në një film të krijuar nga Steven Spielberg e Martin Scorsese, me të cilin ka punuar shpesh gjatë karrierës së tij. Pas tri nominimeve që pati marrë për çmim “Oscar”, për rolet e tij në filmat “The Aviator”, “Blood Diamond” dhe “Wolf of Wall Street”, DiCaprio, “Oscarin” e fitoi në vitin 2015, për rolin e tij në filmin “The Revenant”.
