Koreografia për një nga turnetë e Dua Lipës u bë pak më ndryshe nga sa pritej. Në një intervistë të fundit me “The Morning Mash Up” të Sirius XM, ylli i popit, 28 vjeçe, zbuloi se ishte e detyruar të ndryshonte koreografinë për turneun e saj “Future Nostalgia”.
“Unë isha në turneun tim, një herë në Barcelonë, një herë në Milano në të njëjtin vend, dhe ishte java më e nxehtë në Evropë”, filloi Lipa.
Ajo vazhdoi: “Disa nga kërcimtarët e mi po djersiteshin pak më tepër, na u desh të ndryshonim koreografinë që të mos përsëritej një situatë e tillë”.
Lipa vuri në dukje se incidente të tilla janë të gjitha pjesë e përvojës gjatë turneut. Artistja e “Don’t Start Now” publikoi albumin e saj të tretë në studio, “Radical Optimism”, të premten, më 3 maj.
Lipa do të nisë turneun e saj “Radical Optimism” të mërkurën, më 5 qershor në Berlin, përpara se të niset në qytete si Lisbona, Madridi dhe Londra.
