Advertisements
Në seancën e sotme të Kuvendit të Kosovës, komisioni i fshehtë për votim nuk ka arritur të kalojë, pasi mori vetëm 56 vota për, ndërsa nuk u arrit shumica e nevojshme për ta miratuar. Kjo ka sjellë një tjetër dështim të konstituimit të Kuvendit për herë të 15-të.
Kryesuesi i seancës, Avni Dehari, kërkoi që partitë politike të shprehen për këtë çështje.
Në sallë ishin të pranishëm 115 deputetë, ndërsa rezultati i votimit ishte si më poshtë:
56 deputetë për
1 deputet kundër
Asnjë abstenim
Pasi nuk u arrit shumica e kërkuar, komisioni i fshehtë nuk kaloi, dhe Kuvendi do të mblidhet sërish më 15 maj në ora 10:30 për seancën tjetër.
“Shihemi më 15 maj në orën 10:30”, tha shkurt Dehari teksa mbylli punimet e sotme.
