Advertisements
Rrjeti i Organizatave Demokracia në Veprim ka bërë të ditur se deri në orën 12:00, kanë votuar 14.5% e qytetarëve.
Ata kanë evidentuar edhe disa probleme.
Komunikata:
DnV: Dalja e qytetarëve në zgjedhje është 14.5%, 6% prej tyre kanë votuar me asistencë.
I.Dalja në votim
Sipas raportimeve të vëzhguesve të Demokracisë në Veprim (DnV) procesi i votimit – që nga hapja e vendvotimeve po zhvillohet në mënyrë të qetë. Deri në orën 12:00, të drejtën kushtetuese për të votuar e kanë shfrytëzuar rreth 14.5% votuesve (me margjinë gabimi+/-0,37), nga 1,970,944 e qytetarëve me të drejtë vote.
Në komunat me shumicë serbe, dalja në votime është raportuar të jetë mbi 24% që është gati dyfish më e lartë sesa mesatarja e përgjithshme e daljes në nivel vendi.
