Poligamia mbetet një nga temat më të diskutueshme jo vetëm në botën myslimane, por edhe përtej.
Ajo ka qenë praktikuar që nga kohët e lashta dhe justifikohej me kusht riprodhimin e fëmijëve. Sot, poligamia nuk është e detyrueshme për myslimanët, dhe në disa raste krejtësisht e ndaluar. Kjo është për shkak të rregullave dhe rregulloreve të caktuara të vendosura nga Kurani.
Besohet se një burrë mund të martohet përsëri vetëm me lejen e gruas së parë. Por sa e është e vërtetë?
Franc Grami menaxher në Dubai tha në emisionin GoodMorning Albanias në Euronews Albania se në këtë vend një burrë lejohet të marrë deri në 4 gra, por duhet të plotësojë disa kushte.
“Në Dubai si vend mysliman lejohen martesat e një burri me deri në 4 gra dhe ka qenë gjithmonë për vendasit. Lejohen sepse këtu islami është feja që praktikohet dhe të gjithë vendasit sipas rregullave të tyre lejohet të marrin deri në 4 gra, por që ka disa kushte që duhet të plotësohen. Personi në fjalë, burri duhet të ketë shumë prona; duhet t’i blejë nga një shtëpi, makina, shërbyese secilës grua, duhet t’i plotësojë çdo kusht”, tregoi ai.
