Kryeministri Albin Kurti ka njoftuar se, nga 1 shkurti 2025, çmimet e barnave në Kosovë do të unifikohen dhe ulen në mënyrë të ndjeshme.
Ky njoftim erdhi si një lajm inkurajues për qytetarët e Kosovës, të cilët përballen me gjetjen e barnave në një treg të shtrenjtë. Kurti u shpreh se disa barna do të jenë pesë herë më të lira, ndërsa disa të tjera deri në 10 herë më të lira. Kjo nismë synon të lehtësojë barrën financiare që rëndon mbi qytetarët, duke bërë që përkujdesja shëndetësore të jetë më e aksesueshme.
Pjesë e kësaj iniciative do të jenë mbi 2900 produkte medicinale, duke përfshirë barna të rëndësishme për trajtimin e kushteve të ndryshme shëndetësore. Ky hap i rëndësishëm ka si qëllim garantimin e një sistemi shëndetësor më të fortë dhe më të qëndrueshëm për të gjithë qytetarët e Kosovës. Kryeministri theksoi se është koha që shëndeti i qytetarëve të vendoset në prioritet dhe se politika shëndetësore do të merret seriozisht.
