Zëdhënësi i Lidhjes Demokratike të Kosovës (LDK), Besian Mustafa, është deklaruar sërish për bllokun B1.
Mustafa me anë të një shkrimi në ‘Facebook’ ka thënë se blloku B1 i termocentralit Kosova B është rikthyer në sistem në ora 10:00 të mërkurën, por që ka rënë sërish më 11:30.
“Blloku B1 rreth orës 10:00 është kthyer në funksion… e në 11:30 ka ra përsëri nga sistemi. Çka po bën ky menaxhment i VV në KEK kështu? Çka po bën prokuroria e shtetit? KEK si prodhuesi më i madh vendor i energjisë ka rëndësi jetike për sigurinë kombëtare, përveç asaj ekonomike. Duhet hetuar këto keqpërdorime me urgjencë dhe prioritet”, ka deklaruar Mustafa.
I njëjti dje ka bërë të ditur për rënien e bllokut B1 nga funksioni.
Nga Koorporata Energjetike e Kosovës (KEK) s’është lëshuar kurrfarë njoftimi për rënien e këtij blloku, deri më tani.
