Këngëtarja e madhe botërore, Beyoncé, është në qendër të vëmendjes për videon e saj të fundit në Instagram, që shërben si një reklamë për markën e njohur të xhinseve, “Levi’s”.
Në këtë video, Beyoncé hyjnë në një lavanderi dhe zhvesh rrobat për t’i futur në lavatriçe, më pas ulet pranë dy vajzave dhe fillon të lexojë një gazetë derisa pret që rrobat e saj të pastrohen.
Sidoqoftë, ky koncept duket se është shumë i ngjashëm me videon muzikore të Rita Orës për këngën “Ask And You Shall Receive”.
Në këtë klip, që është drejtuar nga bashkëshorti i saj, Taika Waititi, Rita shfaqet gjithashtu në një lavanderi, ku ajo zhvesh rrobat e saj dhe i fut në lavatriçe, përpara se të ulet dhe të lexojë një revistë pranë një klienti. Këto ngjashmëri të forta kanë shkaktuar spekulime në rrjetet sociale se Beyoncé ka gjetur frymëzim në videon e Rita Orës.
