Beyonce është bërë gruaja e parë me ngjyrë që kryeson listën e këngëve “Hot Country të Billboard”, pasi kënga e saj “Texas Hold ‘Em” debutoi në vendin e parë.
Në një zhanër, ku marrëdhënia me artistët me ngjyrë ka rezultuar shpesh e diskutueshme, kënga shënoi një nga arritjet historike kur renditjet javore e listave u publikuar të martën.
“Texas Hold ‘Em”, e publikuar njëkohësisht me këngën “16 Carriages”, në një shpallje surprizë të albumit gjatë Super Bowl, është hera e parë që Beyonce kryeson top-listën e vendit.
Gjithashtu e ka bërë atë artisten e dytë femër solo, që debuton në numrin 1, pasi Taylor Swift e arriti suksesin në vitin 2021 me këngët e saj të Love Story dhe All Too Well.
Beyonce është gjithashtu gruaja e parë që kryeson listat e këngëve Hot Country dhe Hot R&B/Hip-Hip Songs që nga fillimi i listave në vitin 1958. Justin Bieber, Billy Ray Cyrus, Ray Charles dhe Morgan Wallen janë të vetmit artistë të tjerë që kanë udhëhequr të dyja klasifikimet.
Klasifikimi muzikor i “Hot Country Songs” është një tabelë “shumëmetrike” e cila kombinon shitjet, transmetimet dhe transmetimet radiofonike në SHBA, njësoj si klasifikimi kryesor i “Hot 100” i Billboard.
