Finalisti i tretë i “Big Brother VIP Kosova” 3, Vullnet Krasniqi, ka rrëfyer aventuren e tij brenda spektaklit televiziv të vitit.
Ai tregoi se gjatë gjithë kohës që ka qenë pjesë e lojës, nuk ka menduar asnjëherë se çfarë po ndodh jashtë, por ka pasur një dëshirë të fortë për të treguar veten dhe për të qenë autentik.
Ai ka dëshiruar të shfrytëzojë mundësinë për të folur edhe për vështirësitë që përjetojnë gazetarët, që sipas tij, askush nuk e sheh sfidën e një gazetari përballë kritikave, lavdërimeve, dhe vështirësive që përballet një gazetar prapa skenës.
Ndërsa sa i përket planeve të tij pas përfundimit të BBVK-së, Vullneti tregoi në emisionin “Ora Shtatë” në Klan Kosova, se ka një angazhim të qartë: do të përqendrohet në ndjekjen e fushatave dhe do të bëjë atë që di më mirë – të zbulojë ata që po rrejnë më së shumti.
