Policia e Kosovës ka arrestuar në Ferizaj shtetasin kosovar me inicialet V.A, që ishte i kërkuar me udhërarrest ndërkombëtar.
Sipas njoftimit, 35-vjeçari ishte i shpallur në kërkim ndërkombëtar nga autoritetet norvegjeze për veprën penale “Vrasje” të kryer në Oslo më 07.10.2021.
Gazeta10 mëson se personi i arrestuar është Visar Avdyli.
“Personi i arrestuar përveç shtetësisë kosovare posedon edhe shtetësi norvegjeze, ndërsa në momentin e arrestimit të njëjtit i është gjetur një armë zjarri si dhe disa pasaporta të shteteve të tjera të cilat me gjasë janë të falsifikuara”, thuhet në komunikatën për media.
Ndaj personit të arrestuar do të vazhdojnë procedurat e parapara për raste të tilla.
Vëllezërit Visar dhe Valon Avdyli më herët ishin burgosur për terrorizëm, ndërsa tani akuzohen për vrasjen e Hamse Hashi Adan, 20-vjeç në Mortensrud në Norvegji.
