Arbër Hajdari ka folur për herë të parë pas përfundimit të edicionit të katërt të Big Brother VIP Albania, në një intervistë për emisionin “Ftesë në 5”.
Opinionisti i njohur tregoi detaje mbi marrëdhëniet me banorët dhe miqësitë që ka krijuar gjatë këtij sezoni.
Ai zbuloi se menjëherë pas përfundimit të spektaklit ka telefonuar Gerta Gixharin dhe kanë rënë dakord të dalin së bashku me grupin e ish-banorëve. Hajdari theksoi se ruan një raport shumë të mirë me të gjithë ish-banorët që prej edicionit të parë të BBV-së.
I pyetur nga moderatorja Bieta Sulo se cilën nga opinionistet do të veçonte nga katër edicionet, ai përmendi Zhaklin Lekatarin dhe Neda Ballukun si më të afërtat.
Ndër të tjera, Arbri vlerësoi lartë producenten Sara Hoxha dhe drejtuesin e këtij edicioni, Ledion Liço, duke theksuar se ka fituar edhe miqësi të rëndësishme: “Sara është profesioniste, për mendimin tim më e mira në këto troje. Top Channel e ka treguar se është njishi i spektaklit. Ka treguar që meriton t’i heqësh kapelen”, përfundoi ai.
